Human & Rousseau

Sign up for our newsletter!

Bookmark with...

About this book

Donatello en Volksie | General Fiction

Marion Erskine

Donatello and Volksie meet in an online chat room and soon things start to heat up. But what they don’t realise is that they’re complete opposites: Donatello is in real life Anton, an advocate who colour code his wardrobe and don’t own a single T-shirt! And Volksie, or Zoë, works in a Chinese shop that sells herbal medicine, gives yoga to pregnant women and still drives a Vespa. But cyber love is blooming and soon they arrange to meet.
Meeting in real life will have both catastrophic and very funny consequences.

Reviews

Die Burger, 15 Augustus 2010
Jaybee Roux

15/08/2010

In hierdie chick lit-roman deur Marion Erskine (hy het ook al ’n jeugroman, Oos, ­agter die rug) sit Zoë Oukersaand ­alleen by die huis. In haar desperaatheid wend sy haar tot ’n rekenaar-kletskamer vir enkel­­lopendes. Daar ontmoet sy vir ­“Dona­tello”. Maar kan ’n rekenaar­vryery op iets blywends uitloop?

’n Persoonlike ­ontmoeting is on­af­wend­baar. Hierdie ­ontmoeting is een van ’n rits skreeusnaakse situasies wat met groot entoesiasme deur die ­skrywer aaneen­geryg word.

Erskine is ’n bok vir sports en niks gee hom soveel plesier as om die pret wat hy met die skryf van hierdie boek gehad het, met lesers te deel nie.

“Rekenaarliefde” is ’n interessante katalisator wat tot baie intriges aan­­leiding kan gee. Maar die éintlike ­dilemma is twee mense wat glo hulle is lief vir mekaar en mekaar seksueel ­aanvul, maar uiteenlopende persoonlikhede het. Zoë rits op haar Vespa rond en bied jogaklasse vir swanger vroue aan. Sy moet telkens uit die een of ander penarie gered word, klits haar Afrikaans en Engels deurmekaar en deel ’n huis met haar gay boesemvriend.

Donatello, oftewel Anton, is ’n ­advokaat wat suiwer Afrikaans praat. Hy ry ’n duur motor en hou van orde en stabiliteit. Die onsekerheid oor hóé Zoë en Anton gaan leer om oor die weg te kom, hou ’n mens aan die lees.

Afgesien van die ­aan­steeklike energie en ­humor en die vermoë om regtig sexy te skryf, kom die newekarakters – onderskeidelik ’n gewigtige huiswerker en gay huismaat – oortuigend oor. Die humor lê daarby nie slegs in teenstellings en ­situasies nie, maar ook in die sêgoed, ­byvoorbeeld: “Anton is so omgeslaan soos ’n ou posbus in ’n rukwind op ’n Noord-Kaapse klein­hoewe”.

Tekortkominge is daar ook. Die kleiner jakkalsies kon ’n mens oorsien as daar nie so báie was nie, byvoorbeeld “karma” wat op bladsy 17 met ’n hoofletter gespel word; “uitgegooi” op ­bladsy 128 moet “oopgegooi” wees; “vreemde noodhulpwerker” op bladsy 139 moet “onbekende noodhulpwerker” wees. Op bladsy 146: “Is dit moontlik om op een dag sulke laagtepunte te ­beleef?”– dié sin maak nie sin nie.

Die geradbraakte Afrikaans wat deur Anton se huiswerker gepleeg word, word lankal nie meer in ont­spanningsfiksie geduld nie. Op bladsy 90 word bloot genoem dat Anton en Zoë mekaar soen – in die liefdesgenres wil lesers so ’n soen voluit saam met die ­heldin beleef.

Stylfoute soos die perspektiefbreuke op bladsy 173 en onderaan bladsy 187, is volop.

Sommige lesers sal voel die skrywer probeer soms té hard om lesers te laat lag (’n toneel waar Zoë in ’n Cleopatra­kostuum by ’n restaurant aankom, voel byvoorbeeld gedwonge).

Donatello en Volksie sou beslis baat by ’n deegliker redakteurshand, veral ­aangesien die skrywer relatief on­ervare is. Maar indien jy enigsins ­depres­sief voel, sal hierdie boek jou ­beslis ­opbeur.

Buy this book

Available at:

Price:


More information

Donatello en Volksie | General Fiction


Author: Marion Erskine
Category: General Fiction
ISBN: 9780624048305
Date Released: 13 May 2010
Price (incl. VAT): R 175.00
Format: Soft cover, 256pp

About this author

Marion Erskine


Marion Erskine was born in Randfontein, Gauteng. He finished his degree, obtained an Higher Education Diploma and travelled to the USA. In 2001 he returned...